Ўзбекистонда 2022 йил 6 ойида давлат харидларида бюджет маблағларини талон-торож қилиш ҳамда бошқа коррупция кўринишлари билан боғлиқ 95 та жиноят фош этилиб, давлат манфаатларига 55,2 миллиард сўм зарар етказилган. Бу ҳақда 2 август куни Сенатнинг Бюджет ва иқтисодий ислоҳотлар масалалари қўмитасининг ялпи мажлис олдидан бўлиб ўтган қўмита йиғилишида айтиб ўтилди.
Мажлисда давлат дастурининг миллий иқтисодиётни жадал ривожлантириш ва юқори ўсиш суръатларини таъминлаш йўналишида 33 та банд ижроси юзасидан ишлаб чиқилган норматив-ҳуқуқий ҳужжат лойиҳалари бугунги кунга қадар қабул қилинмагани қайд этилган
Соҳада амалга оширилган ислоҳотларга қарамасдан, коррупциявий ҳолатлар иқтисодий ва ижтимоий соҳаларда камаймаётгани ҳам айтиб ўтилган.
Маълум қилинишича, 2022 йил 6 ойида давлат харидларида бюджет маблағларини талон-торож қилиш ҳамда бошқа коррупция кўринишлари билан боғлиқ 95 та жиноят фош этилиб, давлат манфаатларига 55,2 млрд сўм миқдорида зарар етказилган.
Қонун бузилиши ҳолатлари асосан тендер харид савдоларида ҳужжатларни сохталаштириш, маҳсулотларни сунъий қиммат нархларда сотиб олиш ҳамда 5,2 млрд сўмлик харид қилинган маҳсулотларни кирим қилмаслик ва иш, хизматларни бажармаслик, қўшиб ёзиш ёки етказиб бермаслик орқали содир этилган.
Мажлисда кўриб чиқилган масалалар юзасидан қўмита тегишли қарори қабул қилинган.
Изоҳ (0)