Yevropadagi gaz inqirozi kuchayib bormoqda, qishki yonilg‘i saqlash omborlari tez orada bo‘sh qolishi mumkin. Bu haqda Bank of America tadqiqotiga tayanib Business Insider xabar berdi.
So‘nggi bir oy ichida Yevropadagi gaz bilan bog‘liq vaziyat “yomon” ssenariydan “dahshatli” ssenariyga tezlik bilan o‘tdi, — deyiladi hisobotda.
Tahlilchilarning ta’kidlashicha, Rossiya Yevropaga energiya resurslari yetkazib beruvchi eng yirik davlat bo‘lib, u yerda iste’mol qilinadigan gazning 40 foizini tashkil qiladi.
Rossiyadan yetkazib berishning qisqarishi tufayli G‘arb davlatlari, xususan, Germaniya va Fransiya qish oylari arafasida yonilg‘i yetkazib berishni ta’minlash maqsadida gazdan foydalanishni cheklashga majbur bo‘ldi.
Germaniyaning ayrim shaharlarida tarixiy obidalar va binolarning yoritilishi o‘chirilgan, deb eslatadi Business Insider.
Bank of America ta’kidlashicha, Rossiya va Yevropa o‘rtasidagi keskinlik energiya bozoriga ta’sir ko‘rsatgan. Gaz narxi MVt/soat uchun 200 yevroga (204 dollar) yetgan.
“Shimoliy oqim” o‘z quvvatining atigi 20 foizidan foydalanayotganini inobatga olsak, qishki davr uchun omborlardagi gaz zaxiralari yetarli bo‘lmasligi mumkin va bu sharoitda Yevropa Ittifoqi gaz iste’moliga keng qamrovli cheklovlar joriy etishni rejalashtirmoqda, — deyiladi hisobotda.
27-iyuldan boshlab “Shimoliy oqim” ikkita gaz turbinasi yopilishi sababli maksimal quvvatining taxminan 20 foizida foydalanilmoqda. Ulardan biri — Kanadada Siemens Energy tomonidan ishlab chiqarilgan va ta’mirlash uchun Monrealga yuborilgan.
Ottavaning Moskvaga qarshi sanksiyalari tufayli ishlab chiqaruvchi dastlab ta’mirlangan uskunani Germaniyaga qaytarishdan bosh tortdi, biroq Germaniya hukumatining ko'plab so'rovlaridan so'ng qaytarishga qaror qildi.
25-iyul kuni “Gazprom” kapital ta’mirlashgacha bo'lgan vaqt tugaganligi sababli Portovaya kompressor stansiyasida yana bir gaz turbinali dvigatelni majburiy to'xtatishni e'lon qildi. Hozirda faqat bitta turbina ish holatida qolgan.
Avvalroq Yevropada energiya narxi rekord darajaga yetgani haqida xabar berilgan edi.
Izoh (0)