O‘zbekiston va Hindiston o‘rtasida agromahsulotlar savdosi hajmi ortmoqda

O‘zbekiston va Hindiston o‘rtasida agromahsulotlar savdosi hajmi va assortimenti kengaytirilmoqda. Bu haqda EastFruit xabar bermoqda.

O‘zbekiston Hindistondan 6 turdagi tovarlar, xususan, banan, mango, soya va guruch importiga fitosanitariya ruxsatnomalarini berdi.

Hindiston hukumati O‘zbekistonda yetishtirilgan uzum, olxo‘ri va gilos mahsulotlari importiga ruxsat berishga qaror qildi.

Shuningdek, Hindiston tomoni O‘zbekistondan anor, olma, xurmo, chili qalampiri, pomidor, bodom, tarvuz kabi bir necha turdagi meva-sabzavot mahsulotlariga ham ruxsatnoma berish imkoniyatini ko‘rib chiqmoqda.

Avvalroq O‘zbekistonda issiq havo tufayli rekord darajadagi olma hosili xavf ostidaligi haqida xabar berilgandi.