Farg‘ona viloyati hokimi Xayrullo Bozorov boshchiligidagi delegatsiya joriy yilning 25—30-iyul kunlari hamkorlikni rivojlantirish, o‘zaro manfaatli shartnomalar imzolash maqsadida Germaniya va Avstriyada bo‘lib qaytdi. Bu haqda “Daryo” muxbiri xabar bermoqda.
Qayd etilishicha, Farg‘ona viloyati delegatsiyasining Germaniya va Avstriyaga tashrifi davomida umumiy qiymati 238,9 million dollar bo‘lgan 8 ta investitsiya va eksport shartnomalari imzolangan.
Viloyat hokimligi mas’ullari hamda yirik tadbirkorlar Germaniyaning Frankfurt, Nyurnberg, shuningdek, Avstriyaning Mixeldorf shaharlarida moliya institutlari, tibbiyot, sanoat va qishloq xo‘jaligi bilan bog‘liq davlat idoralari va kompaniyalari bilan uchrashuvlar o‘tkazgan.
Tashrif davomida 30 dan ortiq kompaniyalar bilan muzokaralar bo‘lib o‘tgan va 232 million dollarlik 4 ta investitsiya, 6,9 million dollarlik 3 ta eksport shartnomasi, 1 ta hamkorlik kelishuvi imzolangan.
Izoh (0)