Ijtimoiy tarmoqlarda toshkentlik fuqaro lochin polaponlarini 100 AQSH dollariga sotishi haqida e’lon berilgan. Tegishli tashkilot vakillaridan ushbu e’lon orqali fuqaroni topib, polaponlarni o‘zlari mustaqil yashab ketganlariga qadar mutaxassislar nazoratiga topshirishlari haqida murojaat e’lon qilindi.
Ushbu murojaat yuzasidan Toshkent viloyati Ekologiya boshqarmasi xodimlari tomonidan tezkor surishtiruv-o‘rganish olib borildi. Surishtiruv-o‘rganish jarayonida holat o‘z tasdig‘ini topdi, ya’ni O‘.K. ismli shaxs ikki bosh lochin polaponini sotayotgani ma’lum bo‘ldi.
Fuqaroga belgilangan tartibda dalolatnoma rasmiylashtirib, bazaviy hisoblash miqdorining 10 barobari miqdorida jarima qo‘llanildi.
Lochin polaponlari o‘zlari mustaqil yashab ketganlariga qadar Toshkent hayvonot bog‘i mutaxassislari nazoratiga topshirildi. Polaponlar voyaga yetgach, tabiat qo‘yniga qo‘yib yuboriladi.
Izoh (0)