Bolgariya prezidenti Rumen Radev muddatidan oldin parlament saylovlari o‘tkazilishi haqida e’lon qildi va texnik hukumatni tayinladi. Unga davlat rahbari ma’muriyatida kotib bo‘lib ishlagan Gilib Donev boshchilik qiladi.
Muddatidan oldingi parlament saylovlari 2-oktabr kuni bo‘lib o‘tadi.
Bolgariyada Kiril Petkov boshchiligidagi Vazirlar Mahkamasi hukumat inqirozi oqibatida iyun oyi oxirida iste’foga chiqqan edi. BNT telekanali xabariga ko‘ra, yangi hukumatni shakllantirishga urinishlar muvaffaqiyatsizlikka uchragan. Davlat rahbari esa konstitutsiyaga asoslanib, 2-avgust, seshanba kuni Xalq majlisini (parlamentni) tarqatish to‘g‘risidagi farmonni imzolagan.
2021-yilda Bolgariyada uch marta navbatdan tashqari parlament saylovlari o‘tkazilgan edi. Bunga saylovlar natijalari hukumat tuzishga imkon bermagani sabab bo‘lgan. Noyabr oyida bo‘lib o‘tgan saylovlardan keyingina siyosatchilar hukumat koalitsiyasini tuzishga muvaffaq bo‘lgandi.
Izoh (0)