Xitoy to‘rtta qiruvchi samolyotini Tayvanning havo mudofaasini aniqlash zonasiga kiritdi

Xitoyning to‘rtta J-16 qiruvchi samolyoti Tayvanning havo mudofaasini aniqlash zonasiga kirdi. Bu haqda Tayvan Mudofaa vazirligi ma’lum qildi.

Qayd etilishicha, AQSH Kongressi Vakillar palatasi spikeri Nensi Pelosi yarim orolga kelishi mumkinligi haqidagi mish-mishlar ortidan Xitoy Xalq ozodlik armiyasining to‘rtta qiruvchi samolyoti ushbu hududga kirgan.

“Xitoyning to‘rtta J-16 samolyoti 2022-yil 1-avgust kuni Tayvanning janubi-g‘arbiy havo mudofaasini aniqlash zonasiga kirdi”, — deyiladi xabarda.

Aytilishicha, samolyotlar orolning janubi-g‘arbiy suvlari ustidan o‘tgan. Chegarani buzishning oldini olish uchun Tayvan harbiylari zenit tizimlarini joylashtirgan va radio orqali ogohlantirishlar bergan.

Eslatib o‘tamiz, Tayvan hukumati AQSH bilan xavfsizlik sohasida hamkorlikni kengaytirish zarurligini bildirgandi. Shuningdek, Xitoy armiyasi rahbariyati askarlarni urushga tayyorlanishga chaqirgan.