Болгария президенти Румен Радев муддатидан олдин парламент сайловлари ўтказилиши ҳақида эълон қилди ва техник ҳукуматни тайинлади. Унга давлат раҳбари маъмуриятида котиб бўлиб ишлаган Гилиб Донев бошчилик қилади.
Муддатидан олдинги парламент сайловлари 2 октябрь куни бўлиб ўтади.
Болгарияда Кирил Петков бошчилигидаги Вазирлар Маҳкамаси ҳукумат инқирози оқибатида июнь ойи охирида истеъфога чиққан эди. БНТ телеканали хабарига кўра, янги ҳукуматни шакллантиришга уринишлар муваффақиятсизликка учраган. Давлат раҳбари эса конституцияга асосланиб, 2 август, сешанба куни Халқ мажлисини (парламентни) тарқатиш тўғрисидаги фармонни имзолаган.
2021 йилда Болгарияда уч марта навбатдан ташқари парламент сайловлари ўтказилган эди. Бунга сайловлар натижалари ҳукумат тузишга имкон бермагани сабаб бўлган. Ноябрь ойида бўлиб ўтган сайловлардан кейингина сиёсатчилар ҳукумат коалициясини тузишга муваффақ бўлганди.
Изоҳ (0)