Sirdaryo va Farg‘ona viloyatlarida o‘qishga kiritib qo‘yish va o‘qishni ko‘chirib berish bilan bog‘liq firibgarlik holatlari fosh etildi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda DXXning Yangiyer shahar bo‘limlari tomonidan tezkor tadbir o‘tkazilgan. Unda fuqaro F.X. boshqa bir fuqaro M.ni go‘yoki yuqori lavozimdagi tanishlari yordamida O‘zbekiston Milliy universitetiga o‘qishga kiritib qo‘yishni va’da qilgani aniqlangan. U taksi xizmati haydovchisi S.S. orqali 2 500 dollarni olgan vaqtida ashyoviy dalillar bilan ushlangan.
Shuningdek, departament hamda DXXning Farg‘ona viloyati boshqarmalari tomonidan tezkor tadbir o‘tkazilgan. Unda fuqaro X.A. boshqa bir fuqaro M.ning qo‘shni Qirg‘iziston universitetidagi o‘qishini Farg‘ona davlat universitetiga ko‘chirib berishini aytgani aniqlangan. Buning evaziga 1 200 dollarini olgan vaqtida ashyoviy dalillar bilan ushlangan.
Holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)