O‘zbekiston hukumati delegatsiyasining Hindistonga tashrifi doirasida Dehli shahrida investitsiyalar va tashqi savdo vaziri Jamshid Xo‘jayev Hindiston portlar, kemachilik va suv yo‘llari vaziri Sarbanand Sonoval bilan uchrashdi, deb xabar qilmoqda Dunyo axborot agentligi.
Qayd etilishicha, tomonlarning diqqat markazida savdo va investitsiyaviy hamkorlik masalalari bo‘lgan. O‘zbekiston tomonidan Toshkent—Saraxs—Chabahar—Nhava Sheva porti (Mumbay) yo‘nalishi bo‘yicha konteynerlardan iborat birinchi qatnovni tashkil qilish, loyihani muvaffaqiyatli yakunlagach esa boshqa asosiy maqsadlarga, shu jumladan, yuqoridagi yo‘lakning raqobatbardoshligini oshirishga qaratilgan qulay sharoitlarni shakllantirishga kirishish taklif etilgan.
Hindiston tomoni bilan ikki mamlakat o‘rtasida yo‘lovchi qatnovlari sonini haftasiga 4 dan 5 gacha oshirish, shuningdek, haftasiga 2 marta havo transportida yuk tashishni yo‘lga qo‘yish masalasi kelishib olingan.
Uchrashuv yakunida ikki mamlakatning transport sohasida muhokama qilingan barcha masalalar bo‘yicha faol va doimiy muloqot qilishiga sodiqlik bildirilgan.
Izoh (0)