Jizzax viloyati Forish tumanidagi ayrim hududlarda 30-iyul kuni yog‘ingarchilik kuzatildi. Bu haqda viloyat favqulodda vaziyatlar boshqarmasi xabar berdi.
Qayd etilishicha, soat 16:15 da Forish tumani Uchma qishlog‘ida kuzatilgan qisqa muddatli yog‘ingarchilik oqibatida ariq suvlari keskin ko‘payib, ayrim joylarda o‘zanidan toshib chiqqan. Hodisa yarim soatga yaqin davom etgan. Aholi yashash joylari va ekin maydonlariga jiddiy talafot yetmagan. Jabrlanganlar yo‘q.
Jizzax viloyati favqulodda vaziyatlar boshqarmasiga sel va toshqinlar bo‘yicha fuqarolardan murojaatlar kelib tushmagan.
Ayni vaqtda hodisa joyida FVB xodimlari tomonidan qo‘shimcha o‘rganish ishlari olib borilmoqda. Vaziyat nazorat ostida.
Izoh (0)