Жиззах вилояти Фориш туманидаги айрим ҳудудларда 30 июль куни ёғингарчилик кузатилди. Бу ҳақда вилоят фавқулодда вазиятлар бошқармаси хабар берди.
Қайд этилишича, соат 16:15 да Фориш тумани Учма қишлоғида кузатилган қисқа муддатли ёғингарчилик оқибатида ариқ сувлари кескин кўпайиб, айрим жойларда ўзанидан тошиб чиққан. Ҳодиса ярим соатга яқин давом этган. Аҳоли яшаш жойлари ва экин майдонларига жиддий талафот етмаган. Жабрланганлар йўқ.
Жиззах вилояти фавқулодда вазиятлар бошқармасига сел ва тошқинлар бўйича фуқаролардан мурожаатлар келиб тушмаган.
Айни вақтда ҳодиса жойида ФВБ ходимлари томонидан қўшимча ўрганиш ишлари олиб борилмоқда. Вазият назорат остида.
Изоҳ (0)