Buxoroda sodir bo‘lgan yo‘l-transport hodisasi oqibatida ikki kishi vafot etdi. Bu haqda “Daryo”ga viloyat IIB JXX YXXB axborot xizmati xabar berdi.
Ta’kidlanishicha, 29-iyul kuni soat taxminan 08:00 da Buxoro tumanini kesib o‘tuvchi M-37 xalqaro ahamiyatga ega qatnov yo‘lida yo‘l-transport hodisasi sodir bo‘lgan. Unda Damas haydovchisining ehtiyotsizligi oqibatida yo‘l chetida to‘xtab turgan yuk avtomashinasining orqa tomoniga urilgan. Oqibatda 42 yoshli Damas haydovchisi voqea joyida vafot etgan.
To‘qnashuv sabab Damas yo‘lovchisi ham tan jarohati olib, tuman markaziy shifoxonasiga joylashtirilgan. Biroq ko‘rsatilgan tez tibbiy yordam muolajalariga qaramay vafot etgan.
“Holat yuzasidan dastlabki tergov surishtiruv ishlari olib borilmoqda”, — deydi IIB YHXB axborot xizmati rahbari Ulug‘bek Shukurullayev.
Izoh (0)