Jizzax viloyati Zarbdor tumanida 21-iyul kuni Damas va Matiz avtomashinalari o‘rtasida to‘qnashuv yuz berdi. Bu haqda viloyat Ichki ishlar boshqarmasi xabar qildi.
Xabar berilishicha, yo‘l-transport hodisasi shu kuni soat 15:20 larda A-376 Qo‘qon—Jizzax avtomobil yo‘lining Zarbdor tumanidan o‘tgan 277-kilometrida sodir bo‘lgan. Tumanning “Oybek” mahallasida yashovchi shaxs Damas mashinasi bilan Jizzax—Zarbdor yo‘nalishida harakatlanayotib, o‘zidan oldinda ketayotgan Sharof Rashidov tumani “Rabot” mahallasida yashovchi shaxs boshqaruvida bo‘lgan Matiz mashinasining orqa qismidan borib urilgan.
YTH oqibatida Damas haydovchisi boshmiya ochiq jarohati tashxisi bilan tuman tibbiyot birlashmasining jonlantirish bo‘limida vafot etgan.
Holat yuzasidan jinoyat ishi qo‘zg‘atilgan.
Izoh (0)