Жиззах вилояти Зарбдор туманида 21 июль куни Damas ва Matiz автомашиналари ўртасида тўқнашув юз берди. Бу ҳақда вилоят Ички ишлар бошқармаси хабар қилди.
Хабар берилишича, йўл-транспорт ҳодисаси шу куни соат 15:20 ларда А-376 Қўқон—Жиззах автомобиль йўлининг Зарбдор туманидан ўтган 277-километрида содир бўлган. Туманнинг «Ойбек» маҳалласида яшовчи шахс Damas машинаси билан Жиззах—Зарбдор йўналишида ҳаракатланаётиб, ўзидан олдинда кетаётган Шароф Рашидов тумани «Работ» маҳалласида яшовчи шахс бошқарувида бўлган Matiz машинасининг орқа қисмидан бориб урилган.
ЙТҲ оқибатида Damas ҳайдовчиси бошмия очиқ жароҳати ташхиси билан туман тиббиёт бирлашмасининг жонлантириш бўлимида вафот этган.
Ҳолат юзасидан жиноят иши қўзғатилган.
Изоҳ (0)