Respublika tez tibbiy yordam xizmatiga 28-iyul kuni O‘zbekiston bo‘yicha 37 414 ta chaqiriq kelib tushgan. Bu haqda Sog‘liqni saqlash vazirligi xabar qildi.
Qayd etilishicha, shundan 26776 tasi shoshilinch ko‘rsatmalar, 9302 tasi surunkali kasalliklar, 306 tasi tug‘uruqlar bo‘yicha kelgan murojaatlar hisoblanadi.
Chaqiruvlar natijasida 2518 nafar fuqaro va 926 nafar bola shifoxonalarga yotqizilgan.
Kunlik chaqiriqlarning eng ko‘pi Andijon (4494 ta) va Farg‘ona (4375 ta) viloyatlari hissasiga to‘g‘ri kelgan.
Eslatib o‘tamiz, 2022 yilning yanvar—iyun oylarida mamlakat bo‘yicha tez yordamga jami 6 million 245 ming 280 ta chaqiriq kelib tushgan. Shundan 570 ming 817 nafar bemor shifoxonalarga gospitalizatsiya qilingan.
Izoh (0)