Korrupsiyaga qarshi kurashish agentligiga kelib tushgan murojaatlarni o‘rganish davomida 30,4 milliard so‘mlik moliyaviy xato va kamchiliklar aniqlangan. Bu haqda AOKAda agentlik axborot xizmati rahbari Durdona Ochilova ishtirokida o‘tkazilgan brifingda aytib o‘tildi.
Shuningdek, murojaatlar asosida qonun hujjatlariga zid ravishda chiqarilgan 9 ta hujjat bekor qilingan, agentlik tomonidan taqdim etilgan hujjatlarga asosan huquqni muhofaza qiluvchi organlar tomonidan 7 ta jinoyat ishi, 4 ta ma’muriy javobgarlik va 2 ta intizomiy javobgarlik to‘g‘risidagi ishlar qo‘zg‘atilgan.
Bundan tashqari, davlat xaridlariga oid qonun talablariga rioya qilinishi yuzasidan jami 10 ta vazirlik, idora va tashkilotda o‘tkazilgan o‘rganishlarda 1143 ta holatda 48,5 milliard so‘mlik moliyaviy xato va kamchiliklar aniqlangan.
Izoh (0)