Коррупцияга қарши курашиш агентлиги Давлат харидлари соҳасида қонун талабларига риоя қилинишига оид ҳисоботини тақдим этиб, бироздан сўнг уни таҳрирлади. Янги инфографикадан Мудофаа вазирлиги тизимида йўл қўйилган молиявий хато ва камчиликлар ўчирилди. Мудофаа вазирлиги ҳолат бўйича расмий муносабат билан чиқди.
Қайд этилишича, агентликнинг хабарида вазирлик томонидан Давлат харидлари соҳасида қонун талабларига риоя қилинишида хато ва камчиликлар мавжудлиги баён этилган.
«Такидлаш керакки, ушбу ҳолатлар Мудофаа вазирлиги бюджет маблағларига мутлақо алоқаси бўлмаган ҳарбий савдо корхоналарининг 5 йиллик фаолияти давомида йўл қўйилган хато ва камчиликлардан иборат эканлиги аниқланганШу муносабат билан, республикамиздаги барча электрон нашрлар ва блогерлардан маълумотларни нотўғри талқин қилмасликларини сўраймиз. Эслатиб ўтамиз, асосланмаган ёлғон хабар тарқатганлик учун жавобгарлик мавжуд.», — дейилади хабарда.
Изоҳ (0)