Jazoir, Niger va Nigeriya uzunligi to‘rt ming kilometrga teng Transsaxara gaz quvuri qurilishi bo‘yicha hamjihatlik to‘g‘risida memorandum imzoladi, deb yozadi Tengrinews.
Jazoir Energetika vazirligi ma’lum qilishicha, gaz quvuri Sahroi Kabir cho‘li orqali o‘tadi. 13 milliard dollarlik gaz quvurini qurish yakunlanganidan keyin u yiliga 30 milliard kub metrgacha gazni Nigeriyadan (G‘arbiy Afrika) Niger orqali shimolga, Jazoirgacha yetkazishi kutilmoqda.
Ta’kidlanishicha, birinchi marta bu g‘oya qariyb 40 yil avval taklif qilingan, ammo jarayon to‘xtab qolgan edi. Saxel mintaqasida xavfsizlik bilan bog‘liq vaziyat hamda Jazoir va Niamey hukumatlari o‘rtasidagi keskinlik ham loyihaning amalga oshirilishini to‘xtatib turgan. 2021-yildagina, Jazoir va Niger o‘z chegaralarini qaytadan ochganidan keyin, gaz quvuri qurilishi yana muhokama qilina boshladi.
Izoh (0)