Жазоир, Нигер ва Нигерия узунлиги тўрт минг километрга тенг Транссахара газ қувури қурилиши бўйича ҳамжиҳатлик тўғрисида меморандум имзолади, деб ёзади Tengrinews.
Жазоир Энергетика вазирлиги маълум қилишича, газ қувури Саҳрои Кабир чўли орқали ўтади. 13 миллиард долларлик газ қувурини қуриш якунланганидан кейин у йилига 30 миллиард куб метргача газни Нигериядан (Ғарбий Африка) Нигер орқали шимолга, Жазоиргача етказиши кутилмоқда.
Таъкидланишича, биринчи марта бу ғоя қарийб 40 йил аввал таклиф қилинган, аммо жараён тўхтаб қолган эди. Сахель минтақасида хавфсизлик билан боғлиқ вазият ҳамда Жазоир ва Ниамей ҳукуматлари ўртасидаги кескинлик ҳам лойиҳанинг амалга оширилишини тўхтатиб турган. 2021 йилдагина, Жазоир ва Нигер ўз чегараларини қайтадан очганидан кейин, газ қувури қурилиши яна муҳокама қилина бошлади.
Изоҳ (0)