Rossiyada ishsizlikning past darajasi ketma-ket ikkinchi oy kuzatilmoqda. Bu haqda Butunrossiya mehnat ilmiy-tadqiqot instituti bosh direktori Dmitriy Platigin ma’lum qildi.
Ishsizlikka mehnat bozorini qo‘llab-quvvatlash bo‘yicha ko‘rilayotgan chora-tadbirlar ham ta’sir ko‘rsatmoqda.
Ishsizlikning rekord darajadagi past darajasi ketma-ket ikkinchi oy saqlanib qoldi. Ko‘rsatkich iyun va may oylarida 3,9 foizni tashkil etdi, bu 1991-yildan buyon tarixiy minimum, — dedi u.
Uning so‘zlariga ko‘ra, ishsizlik darajasining pasayish tendensiyasi 2022-yil boshidan beri kuzatilmoqda.
Yanvar oyida bu ko‘rsatkich 4,4 foizga, mart va fevralda 4,1 foizga, aprelda 3,9 foizga tushdi.
Uning qo‘shimcha qilishicha, bir qator kompaniyalar bozorni tark etish haqidagi bayonotlariga qaramay, operativ monitoring natijalariga ko‘ra, bekor qilingan shartnomalarning umumiy soni yoz mavsumi uchun standart darajada qolmoqda.
Shu bilan birga, mehnat bozorida takliflar soni ortib bormoqda. So‘nggi ikki oy ichida “Rossiya ish o‘rinlari” portalida ish takliflari soni 500 mingga oshdi va 2,4 mlnga yetdi.
Mutaxassisning fikricha, ishsizlikning rekord darajada past bo‘lishiga mavsumiy omil ham ta’sir ko‘rsatmoqda.
Bir tomondan, hozir ko‘plab fuqarolar qurilish, yo‘l va qishloq xo‘jaligi ishlari bilan shug‘ullanmoqda. Boshqa tomondan, yozda ba’zi potensial ish izlovchilar dam olish uchun vaqt ajratadi.
Avvalroq Rossiyada ishsizlar soni ortib borayotgani haqida xabar berilgandi.
Izoh (0)