Россияда ишсизликнинг паст даражаси кетма-кет иккинчи ой кузатилмоқда. Бу ҳақда Бутунроссия меҳнат илмий-тадқиқот институти бош директори Дмитрий Платигин маълум қилди.
Ишсизликка меҳнат бозорини қўллаб-қувватлаш бўйича кўрилаётган чора-тадбирлар ҳам таъсир кўрсатмоқда.
Ишсизликнинг рекорд даражадаги паст даражаси кетма-кет иккинчи ой сақланиб қолди. Кўрсаткич июнь ва май ойларида 3,9 фоизни ташкил этди, бу 1991 йилдан буён тарихий минимум, — деди у.
Унинг сўзларига кўра, ишсизлик даражасининг пасайиш тенденцияси 2022 йил бошидан бери кузатилмоқда.
Январь ойида бу кўрсаткич 4,4 фоизга, март ва февралда 4,1 фоизга, апрелда 3,9 фоизга тушди.
Унинг қўшимча қилишича, бир қатор компаниялар бозорни тарк этиш ҳақидаги баёнотларига қарамай, оператив мониторинг натижаларига кўра, бекор қилинган шартномаларнинг умумий сони ёз мавсуми учун стандарт даражада қолмоқда.
Шу билан бирга, меҳнат бозорида таклифлар сони ортиб бормоқда. Сўнгги икки ой ичида «Россия иш ўринлари» порталида иш таклифлари сони 500 мингга ошди ва 2,4 млнга етди.
Мутахассиснинг фикрича, ишсизликнинг рекорд даражада паст бўлишига мавсумий омил ҳам таъсир кўрсатмоқда.
Бир томондан, ҳозир кўплаб фуқаролар қурилиш, йўл ва қишлоқ хўжалиги ишлари билан шуғулланмоқда. Бошқа томондан, ёзда баъзи потенциал иш изловчилар дам олиш учун вақт ажратади.
Аввалроқ Россияда ишсизлар сони ортиб бораётгани ҳақида хабар берилганди.
Изоҳ (0)