“O‘zgidromet” 28-iyul kuni kutilayotgan ob-havo ma’lumotini e’lon qildi.
28-iyul kunduz kuni respublika bo‘yicha yog‘ingarchilik kutilmaydi, faqat Qoraqalpog‘istonda kechga tomon ba‘zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Respublika bo‘yicha ba‘zi joylarda shamol 17–22 metr / sekundgacha kuchayishi, ayrim joylarda chang-to‘zonlar kuzatilishi mumkin.
Farg‘ona viloyatining tog‘oldi va tog‘li hududlarida glyatsial (muz) sel-suv toshqin hodisalari yuzaga kelishi mumkin. Havo harorati 34–39 daraja, janubda ba‘zi joylarda 42 darajagacha bo‘ladi.
Toshkentda yog‘ingarchilik kutilmaydi. Kunning ikkinchi yarmida shamol 10–12 metr / sekundgacha kuchayishi mumkin. Kunduzi havo 37–39 daraja gacha isiydi.
Tog‘li hududlarda yog‘ingarchilik kutilmaydi. Shamol 7–12 metr / sekund tezlikda esadi. Harorat 25–30 daraja bo‘ladi.
Izoh (0)