Turkiya prezidenti Rajab Toyyib Erdo‘g‘on va Rossiya prezidenti Vladimir Putin 5-avgust kuni Rossiyaning Sochi shahrida uchrashadi. Bu haqda “Interfaks”ga tayanib, Meduza xabar bermoqda.
Qayd etilishicha, uchrashuv haqidagi ma’lumotni Rossiya prezidentining matbuot kotibi Dmitriy Peskov tasdiqlagan. U muzokaralar mintaqaviy muammolar va ikki tomonlama munosabatlar mavzusida bo‘lib o‘tishini aytgan.
Turkiyaning TRT Haber telekanalining xabar berishicha, Erdo‘g‘on Rossiya—Ukraina urushini muhokama qilish va Ukrainadan don yetkazib berishni qayta tiklash rejasini muhokama qilish uchun bir kunlik tashrif bilan Sochiga uchadi.
Eslatib o‘tamiz, Rossiya va Turkiya rahbarlari 19-iyul kuni Tehronda uchrashgandi. Eron prezidenti Ibrohim Raisi bilan uch tomonlama muzokaralar mavzusi Suriyadagi vaziyat va terror tashkilotlariga qarshi kurash bo‘lgan. Erdo‘g‘on Tehrondagi Putin bilan bo‘lgan muzokaralarni yuqori baholagan.
Izoh (0)