Туркия президенти Ражаб Тоййиб Эрдўғон ва Россия президенти Владимир Путин 5 август куни Россиянинг Сочи шаҳрида учрашади. Бу ҳақда «Интерфакс»га таяниб, Meduza хабар бермоқда.
Қайд этилишича, учрашув ҳақидаги маълумотни Россия президентининг матбуот котиби Дмитрий Песков тасдиқлаган. У музокаралар минтақавий муаммолар ва икки томонлама муносабатлар мавзусида бўлиб ўтишини айтган.
Туркиянинг TRT Haber телеканалининг хабар беришича, Эрдўғон Россия—Украина урушини муҳокама қилиш ва Украинадан дон етказиб беришни қайта тиклаш режасини муҳокама қилиш учун бир кунлик ташриф билан Сочига учади.
Эслатиб ўтамиз, Россия ва Туркия раҳбарлари 19 июль куни Теҳронда учрашганди. Эрон президенти Иброҳим Раиси билан уч томонлама музокаралар мавзуси Суриядаги вазият ва террор ташкилотларига қарши кураш бўлган. Эрдўғон Теҳрондаги Путин билан бўлган музокараларни юқори баҳолаган.
Изоҳ (0)