Hindiston Rossiya xom neft importini kuchaytirdi, u odatda Xitoy neftni qayta ishlash korxonalari tomonidan katta hajmda sotib olinayotgan edi. Bu haqda Bloomberg xabar berdi.
Rossiyaning ESPO neftini tashuvchi to‘rtta kema Hindistonga yo‘l oldi, ikkita tanker sharqiy qirg‘oqdagi Paradip portiga — u yerda Hindiston neft korporatsiyasi tomonidan boshqariladigan neftni qayta ishlash zavodi joylashgan.
Singapurdagi Vortexa kompaniyasi tahlilchisi Emma Lining aytishicha,bu iyundagi uchta kema va apreldagi bitta kema bilan solishtirganda yaxshi o‘sish.
Savdo odatda Hindiston xaridorlari uchun Rossiya Kozmino yuk tashish portidan uzoqdaligi va ESPO nefti odatda kichikroq hajmdagi aframax kemalarida tashilgani sababli manfaatli emas.
Biroq endilikda Fors ko‘rfazi va G‘arbiy Afrikadagi boshqa neft navlariga nisbatan arzonroq narxda bo‘lgan Rossiya xomashyosi importni kuchaytirishga turtki bo‘lmoqda.
Avvalroq may oyida Xitoyning Rossiyadan neft importi rekord darajada oshgani haqida xabar berilgandi.
Izoh (0)