IDC консалтинг компаниясининг тадқиқотларига кўра, 2020 йилда глобал ахборот технологиялари саноати 5 трлн доллардан ошган. Бу ҳақда Прогнозлаштириш ва макроиқтисодий тадқиқотлар институти (ПМТИ) маълумот бермоқда.
АКТ реал даромадларнинг ўсишига бир неча йўллар орқали ижобий таъсир кўрсатади: масалан, таълим тизимига, молия ташкилотлари фаолиятининг кенгайиши, ишсизликнинг қисқаришига таъсир қилади.
ПМТИ экспертлари эса ахборот-коммуникация технологиялари Ўзбекистонда аҳоли реал даромадларининг ўсишига қандай ҳисса қўшаётганини ҳисоблади.
Оптик толали алоқа линиялари узунлигининг 100 километрга ортиши аҳоли реал даромадларининг 1,43 фоизга ўсишида ёрдам беради.
Интернетдан фойдаланувчилар сонининг 1 фоиз пунктига кўпайиши аҳоли реал даромадларининг 0,9 фоизга ошишига олиб келади.
Сўнгги бир неча ўн йиллик давомида бутун дунёда АКТ хизматлари жадал суръатлар билан ўсди.
2020 йилда глобал АКТ харажатлари тахминан 4,9 трлн АҚШ долларини ташкил этган бўлса, 2023 йилга бориб бу кўрсаткич 5,8 трлн долларгача ошиши кутилмоқда.
Сўнгги йилларда Ўзбекистонда АКТ соҳасини ривожлантиришга алоҳида эътибор қаратилмоқда. 2019-2021 йилларда симли Интернет орқали ахборот узатиш тезлиги деярли икки баравар ошди (40 Мбит/с гача) ва аҳолининг 70 фоиздан ортиғи интернетдан фойдаланувчиларга айланди.
АКТнинг Ўзбекистонда аҳоли реал даромадлари ўсишига таъсирини таҳлил қилиш учун Давлат статистика қўмитасининг 2015-2020 йиллардаги (84 та кузатув) ҳудудлар бўйича статистик маълумотларига асосланган эконометрик моделлардан фойдаланилди.
Шундай қилиб, оптик толали алоқа линиялари узунлигининг 100 километрга ортиши аҳоли реал даромадларининг 1,43 фоизга ўсишида ёрдам беради.
Интернетдан фойдаланувчилар сонининг 1 фоиз пунктига кўпайиши эса аҳоли реал даромадларининг 0,9 фоизга ошишига олиб келади.
Шунингдек, мамлакатда асосий уяли алоқа станцияларининг тарқалиши оптик толали алоқа линияларига қараганда анча юқори. Бунинг натижасида уларнинг таъсири камроқ сезилади.
Ахборот-коммуникация инфратузилмасини ривожлантириш аҳолининг реал даромадларини оширишда муҳим аҳамиятга эга.
Келгуси йилларга АКТни ривожлантириш бўйича чора-тадбирлар режасини таҳлил қилганда мазкур омилнинг аҳамияти ортиши аҳоли билимининг кеҳгайиши, рақамли хизматлар, шу жумладан аҳоли даромадларининг ортишига олиб келишини таъкидлаш лозим.
Шу тариқа, яқин йилларда рақамли инфратузилмани ривожлантириш учун тахминан 2,5 млрд долларга яқин маблағни жалб этиш режалаштирилмоқда.
Тошкент, Бухоро ва Қўқон каби шаҳарларда учта йирик янги дата-марказларни ишга тушириш, шунингдек, стационар телекоммуникация тармоғини янада кенгайтириш ва мобил алоқа тармоғини модернизация қилиш режалаштирилган.
Натижада хонадонлар ҳар бир аҳоли пунктида камида 10 Мбит/с тезликда интернетдан фойдаланиш имкониятига эга бўлади.
Изоҳ (0)