Qashqadaryo viloyati Shahrisabz tumanida uyini sotish uchun pul olib, hujjatlarni rasmiylashtirib bermagan fuqaro ishi yuzasidan sud majlisi bo‘lib o‘tdi. Bu haqda viloyat Ichki ishlar boshqarmasi xabar qildi.
Qayd etilishicha, Shahrisabz tumani “Shakarteri” MFYda yashovchi nafaqaxo‘r ayol Sh.S. tumanning “Qutchi” MFYda yashovchi Y.S.ga o‘g‘li D.X.ga tegishli 6 sotix yer maydoniga qurilgan 5 xonalik uyni 15 ming dollariga sotishga kelishgan. “Ipotekabank” AJ tuman filialida aytilgan pulni (so‘mga nisbatan qiymati 160 million 50 ming so‘m)ni olgan. Lekin uyni xaridorga rasmiylashtirib bermagan.
Holat yuzasidan 18-may kuni Shahrisabz tumani IIB huzuridagi tergov bo‘linmasi tomonidan Sh.S.ga nisbatan Jinoyat kodeksining 168-moddasi (firibgarlik) 4-qismi “a” bandi bilan jinoyat ishi qo‘zg‘atilib, qamoqqa olish ehtiyot chorasi qo‘llanilgan.
Sudning 16-iyun kunidagi hukmiga ko‘ra, jabrlanuvchiga yetkazilgan zarar qoplangani inobatga olinib, Sh.S.ga 15 million 450 ming so‘m jarima jazosi tayinlagan.
Izoh (0)