Қашқадарё вилояти Шаҳрисабз туманида уйини сотиш учун пул олиб, ҳужжатларни расмийлаштириб бермаган фуқаро иши юзасидан суд мажлиси бўлиб ўтди. Бу ҳақда вилоят Ички ишлар бошқармаси хабар қилди.
Қайд этилишича, Шаҳрисабз тумани «Шакартери» МФЙда яшовчи нафақахўр аёл Ш.С. туманнинг «Қутчи» МФЙда яшовчи Й.С.га ўғли Д.Х.га тегишли 6 сотих ер майдонига қурилган 5 хоналик уйни 15 минг долларига сотишга келишган. «Ипотекабанк» АЖ туман филиалида айтилган пулни (сўмга нисбатан қиймати 160 миллион 50 минг сўм)ни олган. Лекин уйни харидорга расмийлаштириб бермаган.
Ҳолат юзасидан 18 май куни Шаҳрисабз тумани ИИБ ҳузуридаги тергов бўлинмаси томонидан Ш.С.га нисбатан Жиноят кодексининг 168-моддаси (фирибгарлик) 4-қисми «а» банди билан жиноят иши қўзғатилиб, қамоққа олиш эҳтиёт чораси қўлланилган.
Суднинг 16 июнь кунидаги ҳукмига кўра, жабрланувчига етказилган зарар қоплангани инобатга олиниб, Ш.С.га 15 миллион 450 минг сўм жарима жазоси тайинлаган.
Изоҳ (0)