AOKAda Sanitariya-epidemiologik osoyishtalik va jamoat salomatligi xizmati, Iste’molchilar huquqlarini himoya qilish agentligi va Veterinariya va chorvachilikni rivojlantirish davlat qo‘mitasi mutasaddilari ishtirokida matbuot anjumani o‘tkazildi.
Qayd etilishicha, unda oziq-ovqat xomashyosi va iste’mol mahsulotlarini ishlab chiqarish, tashish, saqlash va sotish faoliyati bilan shug‘ullanuvchi obyektlar faoliyati ustidan jamoatchilik nazoratini o‘rnatish mexanizmlari haqida ma’lumot berilgan. Joriy yilning o‘tgan 6 oyi davomida 36 holatda ovqatdan zaharlanish qayd etilib, 176 nafar fuqarolar jabrlangan, ulardan 52 nafarini bolalar tashkil etgan. 440 tonna oziq-ovqat mahsuloti va uy sharoitida tayyorlangan taomlar savdosi taqiqlangan.
Vakolatli organni xabardor etgan holda respublikadagi 279 ta dehqon bozoridan 61 tasida sanitariya nazorati amalga oshirilgan va ularning barchasida sanitariya qoidalari, normalariga rioya etilmayotgani aniqlangan.
Izoh (0)