IT Park oyiga 500 dollar topadigan maktab o‘quvchisi haqida hikoya qildi

IT Park o‘quvchilarning muvaffaqiyatga erishishlariga yosh to‘sqinlik qilmasligini isbotlay olgan mutaxassislarning hikoyasini e’lon qilishda davom etadi.

Bu galgi qahramon — Alovuddin Kambarov. U 2005-yilda Sirdaryo viloyati Sirdaryo tumanida tug‘ilgan.

Alovuddin IT sohasiga o‘z yo‘lini 15 yoshida, Gulistonda dasturlash kurslariga borganida boshlagan.

Ikki yil davomida u o‘z mahoratini oshirish uchun ko‘p mehnat qildi. Alovuddin Java va Kotlin kabi dasturlash tillarini o‘rgangan. 

Allovuddin Kambarov “S.O.S” loyihasi bilan hamkorlik qilib, o‘zining 500 dollar miqdoridagi birinchi pulini qo‘lga kiritgan.

Ayni paytda Alovuddin 10-sinfda o‘qiydi va “NAPA Systems” IT-kompaniyasida junior-dasturchi bo‘lib ishlaydi. Yosh mutaxassisning oylik daromadi 500 dollarni tashkil qiladi.

Hozirgi kunda Alovuddin IT-sohasidagi bilimlarini mustahkamlashda davom etmoqda va o‘z loyihalari ustida ishlamoqda.

Avvalroq qizlar uchun Skills4Girls trening dasturi ishga tushirilgani haqida xabar berilgandi.