“Spartak” futbolchisi Oston O‘runovga Superliga klubi qiziqish bildirmoqda, deya xabar beradi Metaratings.
O‘runovga hozirda O‘zbekiston chempionati yetakchisi bo‘lib turgan “Navbahor” qiziqish bildirmoqda. Oston maoshining qisqarishiga rozi bo‘lmayotgani muzokaralarda muammolarni keltirib chiqarmoqda. “Spartak” futbolchini bu safar ijaraga bermoqchi emas, uni sotib yuborish istagida.
“Navbahor” avvalroq ham O‘runovga qiziqish bildirgan edi.
Oston 2018-2019-yillarda “Navbahor” tarkibida to‘p surgan. Transfermarkt portaliga ko‘ra, futbolchining transfer narxi 700 ming yevroni tashkil etadi.
Avvalroq O‘runovga “Torpedo” va “Ximki” klublaridan taklif borligi xabar qilingandi. Biroq 21 yoshli Oston yangi jamoasidagi maoshi “Spartak”da olayotganidan kam bo‘lishini istamayapti.
Oston o‘tgan mavsumni “Ufa”da ijarada o‘tkazdi. Uning “Spartak” bilan amaldagi shartnomasi 2025-yilning yoziga qadar mo‘ljallangan.
Izoh (0)