«Спартак» футболчиси Остон Ўруновга Суперлига клуби қизиқиш билдирмоқда, дея хабар беради Metaratings.
Ўруновга ҳозирда Ўзбекистон чемпионати етакчиси бўлиб турган «Навбаҳор» қизиқиш билдирмоқда. Остон маошининг қисқаришига рози бўлмаётгани музокараларда муаммоларни келтириб чиқармоқда. «Спартак» футболчини бу сафар ижарага бермоқчи эмас, уни сотиб юбориш истагида.
«Навбаҳор» аввалроқ ҳам Ўруновга қизиқиш билдирган эди.
Остон 2018-2019 йилларда «Навбаҳор» таркибида тўп сурган. Transfermarkt порталига кўра, футболчининг трансфер нархи 700 минг еврони ташкил этади.
Аввалроқ Ўруновга «Торпедо» ва «Химки» клубларидан таклиф борлиги хабар қилинганди. Бироқ 21 ёшли Остон янги жамоасидаги маоши «Спартак»да олаётганидан кам бўлишини истамаяпти.
Остон ўтган мавсумни «Уфа»да ижарада ўтказди. Унинг «Спартак» билан амалдаги шартномаси 2025 йилнинг ёзига қадар мўлжалланган.
Изоҳ (0)