Rossiyalik MMA jangchisi Zubayra Tuxugov 6-avgust kuni bo‘lib o‘tishi rejalashtirilgan UFC Vegas 59 turnirida ishtirok eta olmasligi ma’lum bo‘ldi.
Gap shundaki Zubayrada viza bilan bog‘liq muammo yuzaga kelgan va u belgilangan muddatga qadar AQSH vizasiga ega bo‘lolmaydi.
Eslatib o‘tamiz, Neyt Landver musobaqada Tuxugovga raqib bo‘lishi kerak edi.
Zubayra 2010-yildan buyon professional ravishda UFC, Cage Warriors, ProFC, Bight Nights Global tashkilotlari tashkillashtirigan musobaqalarda ishtirok etib keladi.
Tuxugov so‘nggi jangida braziliyalik Rikardo Ramosga qarshi oktagonga chiqib, g‘alaba qozongandi. Bu Tuxugov uchun MMA’dagi 20-g‘alaba edi.
Landver 2021-yil oktabr oyida UFC Fight Night 195 musobaqasida slovakiyalik Lyudovit Kleynga qarshi jang qilib, uchinchi raundda g‘alabani o‘z tomoniga og‘dirgan edi.
Izoh (0)