“Bavariya” 19-iyul holati bo‘yicha Yevropa klublari ichida yozgi transfer oynasida eng ko‘p pul sarflagan jamoa bo‘lib turibdi, deya xabar beradi Bild nashri.
Mavsumlar oralig‘ida Myunxen klubi jami 120,5 million yevro sarfladi. “Borussiya D”dan Erling Holandni xarid qilgan “Manchester Siti” ikkinchi o‘rinni egalladi. Robert Levandovski va Rafinya transferlarini e’lon qilgan “Barselona” kuchli uchlikni yakunlab berdi.
Bild talqiniga ko‘ra yozgi transfer oynasida eng ko‘p xarajat qilgan klublar:
- “Bavariya” — 120,5 million yevro (Matteys de Ligt — 70 mln yevro, Sadio Mane — 32, Rayan Gravenberx — 18,5);
- “Manchester Siti” — 108,75 (Erling Holand — 60, Kelvin Fillips — 48,75);
- “Barselona” — 103 (Robert Levandovski — 45, Rafinya Dias — 58);
- “Arsenal” — 97,06 (Gabriel Jezus — 52,2, Fabiu Vieyra — 35, Mett Terner — 6,36, Markinyos Oliveyra — 3,5);
- “Chelsi” — 94,2 (Rahim Sterling — 56,2, Kalidu Kulibali — 38)
- “Borussiya D” — 86 (Sebastyan Aller — 31, Karim Adeyemi — 30, Niko Shlotterbek — 20, Salih O‘zjan — 5);
- “Liverpul” — 85,8 (Darvin Nunyes — 75, Fabiu Karvalyo — 5,9, Kelvin Remzi — 4,9).
- “Real” — 80 (Orelyen Tchuameni — 80);
- “PSJ” — 79,5 (Vitinya — 41,5, Nunu Mendesh — 38);
- “Manchester Yunayted” — 72,37 (Lisandro Martines — 57,37, Tirell Malasia — 15).
Izoh (0)