Uch markaziy himoyachi, Messi esa yangi pozitsiyada. “PSJ” bosh murabbiyi jamoa taktik sxemasini o‘zgartirdi

“PSJ”ning yangi murabbiyi jamoaning taktik sxemasini o‘zgartirdi va Lionel Messiga yangi pozitsiya topdi.

Yaponiyadagi mavsumoldi safar chog‘ida Kristof Galte 3-4-1-2 sxemasini sinovdan o‘tkazmoqda, deya xabar beradi L’Equipe.

Presnel Kimpembe, Markinyos va Serxio Ramos markaziy himoya uchligini tashkil etadi.

Lateral pozitsiyasini Xuan Bernat o‘rnini egallagan Nunu Mendesh va Ashraf Hakimi egalladi. Maydon markazida Idrissa Guye va Vitinya to‘p surdi, mashg‘ulotlar jarayonida keyinchalik bu pozitsiyani Marko Veratti va Leandro Paredes egallagan.

Kilian Mbappe va Neymar hujum juftligini hosil qiladi. Lionel esa ulardan ortda, “10-raqam” pozitsiyasida joylashadi. Uning vazifasi hujumni yarim himoya bilan bog‘lash bo‘ladi.

Eslatib o‘tamiz, 5-iyul kuni “PSJ” Kristof Galteni jamoaning yangi murabbiyi sifatida tanishtirdi. “Nitssa” sobiq murabbiyi Maurisio Pochettinoning o‘rnini egalladi.

Kristof Galte bungacha “Marsel”, “Sent-Etyen” va “Lill”da ishlagan. 2020/21-yilgi mavsumda “Lill” bilan birgalikda Fransiya chempionligini qo‘lga kiritgan. “Nitssa” 2021/22-yilgi mavsumda Liga 1 ni 5-pog‘ona bilan yakunladi.