Rossiyaning Ukrainadagi urushi yana 4-6 oy davom etishi va Koreya urushi natijalariga o‘xshash “muzlatilgan mojaro” bilan yakunlanishi mumkin, — dedi NATOning Yevropadagi sobiq bosh kotibi Jeyms Stavridis. Bu haqda Business Insider ma’lum qildi.
“Men bu holatni Koreya urushi kabi tugashiga, ya’ni sulhga, ikki tomon o‘rtasidagi harbiylashtirilgan hududga va davom etadigan dushmanlikka olib kelishini ko‘rmoqdaman”, – deydi Stavridis.
Koreya urushi 1950-yil iyun oyining oxiridan 1953-yil iyul oyining oxirigacha uch yildan ortiq davom etgan. Rasmiy ravishda tomonlar tinchlik shartnomasini imzolamadilar, mamlakat 53-parallel bo‘ylab Shimoliy va Janubiy Koreyaga bo‘lingan. Birinchisini SSSR va Xitoy, ikkinchisini AQSH, Buyuk Britaniya, Fransiya va boshqa G‘arb davlatlari qo‘llab-quvvatlagan.
Rossiya maxsus operatsiyasi to‘rt oydan ko‘proq vaqt oldin, yani 24-fevral kuni boshlangan. Mart oyi boshida Rossiya mudofaa vaziri Sergey Shoygu bu belgilangan maqsadlarga erishilgunga qadar davom etishini aytgan. Prezident Vladimir Putin, Ukrainani qurolsizlantirish bilan go‘yoki Donbass aholisini himoya qilayotganini hamda bu ishini “denatsifikatsiya” deb atagan. Bir oy o‘tib, aprel oyi boshida Kreml maxsus operatsiya “yaqin kelajakda” yakunlanishiga umid bildirdi. “Umid qilamizki, maxsus operatsiya yaqin kunlarda o‘z maqsadlariga erishadi yoki Rossiya va Ukraina delegatsiyalari o‘rtasidagi muzokaralar bilan yakunlanadi”, — dedi Rossiya prezidenti matbuot kotibi Dmitriy Peskov.
Shu bilan birgalikda, Rossiya gvardiyasi boshlig‘i Viktor Zolotov mart oyi o‘rtalarida “maxsus operatsiya biz xohlaganchalik tez o‘tayotgani yo‘q”, — deb aytgan edi. U bu holatni “natsistlar tinch aholining orqasiga yashiringanligi” bilan izohladi. May oyida Belarus prezidenti Aleksandr Lukashenko ham shunga o‘xshash fikrni bildirgan edi: “Men buni shunday his qilyapmanki, bu operatsiya cho‘zilib ketgan”. U bir vaqtning o'zida “muammoga unchalik berilmaganligini” ham ta’kidlagan. Bunga javoban esa Kreml maxsus operatsiya reja bo‘yicha ketayotganiga ishontirdi.
Iyun oyi oxirida Putin, maxsus operatsiyani o‘tkazish vaqtida jangovar harakatlar intensivligini ta’minlash uchun yo‘qotish xavfiga qaramay harbiylarni bu ishga undash noto‘g‘ri bo‘lishini aytdi. “Albatta, men Oliy qo‘mondonman, lekin hali ham Bosh shtab akademiyasini tugatmaganman. Men professional odamlarga ishonaman”, — deya qo‘shimcha qildi prezident.
Mavzuga doir: