Ukraina prezidenti Vladimir Zelenskiy Ukraina xavfsizlik xizmati (UXX) raisining birinchi o‘rinbosari Vasiliy Malyukni UXX rahbari vazifasini bajaruvchi etib tayinlash haqidagi farmonni imzoladi.
“Ukrainskaya pravda”ning yozishicha, Malyuk Ukraina prezidenti ofisi rahbari Andrey Yermak va uning o‘rinbosari Oleg Tatarovga yaqin shaxs sanaladi. Nashrning ta’kidlashicha, UXX sobiq rahbari Ivan Bakanov va Yermak o‘rtasida prezidentga ta’sir o‘tkazish borasida uzoq vaqtdan beri ziddiyat bo‘lib kelgan.
17-iyulga qadar xavfsizlik xizmatini Vladimir Zelenskiyning bolalikdagi do‘sti Ivan Bakanov boshqardi. U 2019-yil avgust oyidan buyon UXX rahbari lavozimida ishlab kelayotgandi.
Bakanov va Ukraina bosh prokurori Irina Venediktova 17-iyul kuni ushbu idoralar xodimlarining Rossiya maxsus xizmatlari bilan aloqalari bo‘yicha tergov o‘tkazilayotganda o‘z lavozimlaridan chetlashtirildi.
Izoh (0)