Qozog‘istonda parom flotini qurishga qaror qilindi. Kelgusida mamlakat Markaziy Osiyo mintaqasidagi asosiy transport-logistika xabiga aylanishi rejalashtirilgan. Bu haqda Qozog‘iston Transport qo‘mitasi raisi vazifasini bajaruvchi Qosim Tlepov so‘z yuritdi.
Uning aytishicha, hozirga qadar foydalanilmagan salohiyat asosiy muqobil yo‘nalishlardan biri bo‘lmish Transkaspiy xalqaro transport yo‘nalishidir.
Bugungi kunda infratuzilmamizning o‘tkazish salohiyati deyarli 21 million tonnani tashkil etadi. Biz bu yo‘nalishda istalgan turdagi yuklarni tashish imkoniyatiga egamiz”, — deydi Qosim Tlepov.
Qozog‘iston o‘z savdo flotiga ega. Bular bugungi kunda Kaspiy dengizida faol ishlayotgan va konteynerlar tashishni ta’minlayotgan yuk tashuvchi to‘rt kemadir.
Yil oxiriga qadar milliy dengiz tashuvchisi — “Kazmortransflot” kompaniyasi yana ikkita konteyner tashuvchi kemani foydalanishga topshirishni rejalashtirmoqda.
Biz o‘z parom parkimizni qurish niyatidamiz. Uzoq muddatli istiqbolda ularning sonini 10 taga yetkazmoqchimiz. Bugungi kunda asosiy monopolist, albatta, Ozarbayjon yuk tashuvchi kompaniyasidir, — dedi Qosim Tlepov.
Qo‘mita rahbarining ta’kidlashicha, konteynerlar oqimi ko‘paytirilayotgani munosabati bilan Oqtau portida konteynerlar xabini qurish rejalashtirilgan.
Uning so‘zlariga ko‘ra, ayni paytda xalqaro transport-logistika kompaniyasi va jahon konteyner operatorlarini jalb qilish masalasi ko‘rib chiqilmoqda.
Izoh (0)