Energiya inqirozi fonida Yevropada energetika kompaniyalarining umumiy qarzi 1,7 trln dollarga yetdi. Bu haqda Bloomberg xabar bermoqda.
Ushbu qarzlarni hisoblashda obligatsiyalar, kreditlar va gaz quvurlari xarajati hisobga olinadi.
2019-yilning to‘rtinchi choragida umumiy qarz 1,1 trln yevroni tashkil etgan, 2020-yilning birinchi choragida ham xuddi shunday ko‘rsatkich qayd etilgan.
Keyingi chorakdan sezilarli o‘sish boshlangan. 2021-yilning uchinchi choragida bu ko‘rsatkich 1,5 trln yevrodan oshgan bo‘lsa, bir yildan so‘ng 1,7 trln yevroga ko‘tarildi.
2020-yilgacha bo‘lgan ko‘rsatkichlar bilan solishtirganda, qarz 50 foizdan ko‘proqqa o‘sgan.
Joriy yilning birinchi olti oyidayoq Yevropaning energetika kompaniyalari 45 mlrd yevro obligatsiyalar va yana 72 mlrd yevro kredit olgan edi.
Bundan tashqari, ushbu sohadagi kompaniyalar hozirda yana 24 mlrd yevro qarz olish bo‘yicha muzokaralar olib bormoqda.
Hozirda Germaniyaning Uniper SE kompaniyasi og‘ir bozor sharoitlariga bardosh berish uchun qo‘shimcha 9 mlrd yevro va Chexiyaning CEZ CP energetika kompaniyasi 3 mlrd yevrogacha qarz olishga harakat qilmoqda.
Avvalroq Yevropadagi rekord darajada inflyatsiya haqida xabar berilgandi.
Izoh (0)