Xitoy Milliy statistika byurosi ma’lumotlariga ko‘ra, 2022-yilning birinchi yarmida Xitoy gaz importini 10 foizga ya’ni 53,57 million tonnagacha qisqartirgan. Bu haqda Kommersant xabar berdi.
Shu bilan birga, mamlakatda energiya resurslari ishlab chiqarishning o‘sishi yillik hisobda 4,9 foizga oshib, olti oyda 109,6 milliard kub metrni tashkil etgan.
2022-yil iyun oyida Xitoyga gaz importi hajmi o‘tgan yilning iyuniga nisbatan 14,6 foizga kamaygan.
Xitoyga import qilinadigan gaz hajmining umumiy qisqarishi fonida Rossiyaning Xitoyga LNG importidagi ulushi fevral oyida 8 foizgacha oshgani ma’lum bo‘lgan. Bu 2021-yil fevraliga nisbatan ikki baravar ko‘pdir.
Hozirda Xitoy energiya importchilari mavjud manbalardan yetkazib berishni diversifikatsiya qilish imkoniyatini qidirmoqda.
Avvalroq may oyida Xitoyning Rossiyadan neft importi rekord darajada oshgani haqida xabar berilgandi.
Izoh (0)