Vinnitsada raketa hujumidan keyingi ayanchli manzara, Donetskda yangi qurbonlar. Urushning 141-kunidan fotoreportaj
14-iyul kuni ertalab Rossiya qo‘shinlari Vinnitsa shahri markaziga bir nechta raketa otdi. 23 kishi, jumladan, uch bola halok bo‘ldi, yuzdan ortiq odam yaralandi. Hujum nishoni muntazam ravishda konsertlar o‘tkaziladigan Ofitserlar uyi edi. Yevropa Ittifoqi Rossiya armiyasining Ukrainada qoldirayotgan “qonli izlari” haqida bayonot chiqardi hamda “varvarlik xatti-harakatlarini” to‘xtatishni talab qildi. Donetsk ham o‘qqa tutildi: ikki kishi halok bo‘ldi, olti kishi yaralandi. YI rossiyalik tadbirkorlarning ba’zilariga nisbatan sanksiyalarni bekor qilish masalasini ko‘rib chiqmoqda. Meduza urushning 141-kuniga oid asosiy fotosuratlarni taqdim etdi.
Donetsk
14-iyul kuni Donetskdagi avtovokzalning o‘qqa tutilishi oqibatida halok bo‘lgan erkakning jasadi. Mahalliy hukumat ikki nafar tinch fuqaro halok bo‘lganini xabar qilmoqda.Foto: “TASS”
Avtovokzalning o‘qqa tutilishidan halok bo‘lgan mikroavtobus haydovchisining jasadi.Foto: Reuters
Severodonetsk
Iyun oyining oxirida Rossiya armiyasi nazoratiga o‘tgan Severodonetskning ko‘rinishi. Janglar paytida shaharning bir qismi vayron qilingan.Foto: Vida Press
Xarkov viloyati
Ukraina harbiylari Amerikaning M777 gaubitsalaridan o‘q uzishni rejalashtirgan pozitsiyasiga yetib keldi. Xarkov viloyatida pozitsiyalardan o‘t ochish jangi ketmoqda, hech bir tomon hujumga o‘ta olmayapti. 14-iyul kuni Rossiya Mudofaa vazirligi M777 vzvodini yo‘q qilgani haqida e’lon qildi.Foto: AP Photo
Ukrainalik harbiy Rossiya pozitsiyalarini o‘qqa tutishga tayyorlanmoqda. U Amerikaning M777 gaubitsasi uchun snaryadga pilta o‘rnatmoqda.Foto: AP Photo
Ukrainalik harbiylar M777 gaubitsasidan Rossiya pozitsiyalarini o‘qqa tutmoqda.Foto: AP Photo
Nikolayev
Nikolayevda o‘qqa tutilgan mehmonxona vayron bo‘ldi. Unga 14-iyul kuni ertalab raketa kelib tushgan. Mahalliy hokimiyat so‘nggi yillarda ushbu bino biznes markazi sifatida faoliyat yuritganini ma’lum qildi. Rossiya Mudofaa vazirligi ukrainalik harbiylar joylashgan mehmonxona va hostellarga zarbalar berilgani haqida bir necha bor e’lon qilgan. 13-iyul kuni Ukraina Qurolli Kuchlari Bosh shtabi so‘nggi uch hafta ichida Rossiya qo‘shinlari Nikolayev yo‘nalishida eng katta yo‘qotishlarga uchraganini ma’lum qildi.Foto: Instagram
Nikolayevdagi vayron qilingan biznes markazining ichki ko‘rinishi.Foto: Instagram
Vinnitsa
O‘t o‘chiruvchilar Vinnitsa markazidagi o‘qqa tutilgan joyda yong‘inni o‘chirmoqda. Rossiyaning 14-iyuldagi zarbasi chog‘ida 23 kishi halok bo‘ldi, yuzdan ortiq kishi jarohatlandi.Foto: Ukraina FVDX
Vinnitsadagi hujum joyida qutqaruvchilar va o‘t o‘chiruvchilar ishlamoqda.Foto: Ukraina FVDX
Otishma paytida halok bo‘lgan to‘rt yoshli qizning aravachasi. Uning onasi, 33 yoshli Irina Dmitriyevaning oyog‘i uzilib ketgan. Dmitriyeva o‘zining Instagram’ida Daun sindromiga chalingan bolani tarbiyalash tajribasi bilan o‘rtoqlashar edi.Foto: AP Photo
Vinnitsadagi o‘tishma joyida ishlayotgan o‘t o‘chiruvchi.Foto: Ukraina FVDX
Foto: Ukraina FVDX
Foto: Ukraina FVDX
Vinnitsadagi otishma joyida ishlayotgan o‘t o‘chiruvchilar.Foto: Ukraina FVDX
Izoh (0)