Винницада ракета ҳужумидан кейинги аянчли манзара, Донецкда янги қурбонлар. Урушнинг 141-кунидан фоторепортаж
14 июль куни эрталаб Россия қўшинлари Винница шаҳри марказига бир нечта ракета отди. 23 киши, жумладан, уч бола ҳалок бўлди, юздан ортиқ одам яраланди. Ҳужум нишони мунтазам равишда концертлар ўтказиладиган Офицерлар уйи эди. Европа Иттифоқи Россия армиясининг Украинада қолдираётган «қонли излари» ҳақида баёнот чиқарди ҳамда «варварлик хатти-ҳаракатларини» тўхтатишни талаб қилди. Донецк ҳам ўққа тутилди: икки киши ҳалок бўлди, олти киши яраланди. ЕИ россиялик тадбиркорларнинг баъзиларига нисбатан санкцияларни бекор қилиш масаласини кўриб чиқмоқда. Meduza урушнинг 141-кунига оид асосий фотосуратларни тақдим этди.
Донецк
14 июль куни Донецкдаги автовокзалнинг ўққа тутилиши оқибатида ҳалок бўлган эркакнинг жасади. Маҳаллий ҳукумат икки нафар тинч фуқаро ҳалок бўлганини хабар қилмоқда.Фото: «ТАСС»
Автовокзалнинг ўққа тутилишидан ҳалок бўлган микроавтобус ҳайдовчисининг жасади.Фото: Reuters
Северодонецк
Июнь ойининг охирида Россия армияси назоратига ўтган Северодонецкнинг кўриниши. Жанглар пайтида шаҳарнинг бир қисми вайрон қилинган.Фото: Vida Press
Харьков вилояти
Украина ҳарбийлари Американинг М777 гаубицаларидан ўқ узишни режалаштирган позициясига етиб келди. Харьков вилоятида позициялардан ўт очиш жанги кетмоқда, ҳеч бир томон ҳужумга ўта олмаяпти. 14 июль куни Россия Мудофаа вазирлиги М777 взводини йўқ қилгани ҳақида эълон қилди.Фото: AP Photo
Украиналик ҳарбий Россия позицияларини ўққа тутишга тайёрланмоқда. У Американинг М777 гаубицаси учун снарядга пилта ўрнатмоқда.Фото: AP Photo
Украиналик ҳарбийлар М777 гаубицасидан Россия позицияларини ўққа тутмоқда.Фото: AP Photo
Николаев
Николаевда ўққа тутилган меҳмонхона вайрон бўлди. Унга 14 июль куни эрталаб ракета келиб тушган. Маҳаллий ҳокимият сўнгги йилларда ушбу бино бизнес маркази сифатида фаолият юритганини маълум қилди. Россия Мудофаа вазирлиги украиналик ҳарбийлар жойлашган меҳмонхона ва ҳостелларга зарбалар берилгани ҳақида бир неча бор эълон қилган. 13 июль куни Украина Қуролли Кучлари Бош штаби сўнгги уч ҳафта ичида Россия қўшинлари Николаев йўналишида энг катта йўқотишларга учраганини маълум қилди.Фото: Instagram
Николаевдаги вайрон қилинган бизнес марказининг ички кўриниши.Фото: Instagram
Винница
Ўт ўчирувчилар Винница марказидаги ўққа тутилган жойда ёнғинни ўчирмоқда. Россиянинг 14 июлдаги зарбаси чоғида 23 киши ҳалок бўлди, юздан ортиқ киши жароҳатланди.Фото: Украина ФВДХ
Винницадаги ҳужум жойида қутқарувчилар ва ўт ўчирувчилар ишламоқда.Фото: Украина ФВДХ
Отишма пайтида ҳалок бўлган тўрт ёшли қизнинг аравачаси. Унинг онаси, 33 ёшли Ирина Дмитриеванинг оёғи узилиб кетган. Дмитриева ўзининг Instagram’ида Даун синдромига чалинган болани тарбиялаш тажрибаси билан ўртоқлашар эди.Фото: AP Photo
Винницадаги ўтишма жойида ишлаётган ўт ўчирувчи.Фото: Украина ФВДХ
Фото: Украина ФВДХ
Фото: Украина ФВДХ
Винницадаги отишма жойида ишлаётган ўт ўчирувчилар.Фото: Украина ФВДХ
Изоҳ (0)