14-iyul kuni Silk Way West Airlines xususiy yuk tashuvchi aviakompaniyasi Boku – Navoiy – Gonkong yo‘nalishi bo‘yicha ilk charter-yuk reysini amalga oshirdi.
Boeing 747-800 mahalliy vaqt bilan 12:48 da Navoiy xalqaro aeroportiga kelib qo‘ndi va bir necha soatdan keyin Gonkongga jo‘nab ketdi. An’anaga ko‘ra, samolyot suv arkasi bilan kutib olindi.
Silk Way Airlines Ozarbayjonning xususiy yuk tashuvchi aviakompaniyasi bo‘lib, bosh ofisi va parvozlarini Boku shahridagi Haydar Aliyev xalqaro aeroportida amalga oshiradi. U Yevropa va Osiyo, Amerika Qo‘shma Shtatlari va Afrikani bog‘laydigan yuk tashish xizmatlarini, shuningdek, davlat va nodavlat tashkilotlari uchun xizmatlarni taqdim etadi.
Eslatib o‘tamiz, 2022-yilning iyun oyida Xitoydan O‘zbekiston orqali Yevropaga va qarama-qarshi yo‘nalishdagi reyslarni amalga oshiruvchi SkyTaxi yuk aviakompaniyasi Toshkentga parvozlarni boshlagan edi.
Izoh (0)