Namangan xalqaro aeroportiga ilk bor Boeing 747-200F samolyoti qo‘ndi (foto va video)

Namangan xalqaro aeroportiga ilk bor Boeing 747-200F samolyoti qo‘ndi. Bu haqda “Daryo” muxbiri Azizbek Abduvaliyev xabar bermoqda.

Qirg‘izistonning AeroStan aviakompaniyasiga tegishdi va 110 tonna yuk sig‘imiga ega bahaybat yuk samolyotiga Namanganda 70 tonna yonilg‘i quyildi.

Shundan so‘ng havo kemasi o‘z manzili — Makaoga yo‘l oldi.

Ushbu havo layneri Bishkekdan Namanganga mahalliy vaqt bilan bugun, 14-iyul kuni soat 11:19 da qo‘ngan bo‘lsa, Namangandan Makao aeroportiga soat 14:44 da uchib ketdi.

Aeroport mutasaddilarining “Daryo” muxbiriga bildirishicha, Namangan xalqaro aeroporti bunday sig‘imga ega yuk samolyotlarini qabul qilgan mamlakatdagi uchinchi havo qo‘nalg‘asi bo‘ldi. Oldinlari Toshkent va Navoiy aeroportlarida bu kabi xizmatlar amalga oshirilgan edi.

Mavzuga doir:

• Namangan xalqaro aeroportidan Haj mavsumida Saudiya Arabistoniga 16 ta aviareys amalga oshiriladi
• Jazeera Airways Namangan—Kuvayt—Namangan yo‘nalishida doimiy reyslarni yo‘lga qo‘yishni rejalashtirmoqda