Bosh vazir Abdulla Aripov Vazirlar Mahkamasining “Yoqilg‘i-energetika resurslari ta’minotida bozor mexanizmlarini joriy etish to‘g‘risida” 2022-yil 30-iyunidagi 348-son qarorining amal qilishini vaqtincha to‘xtatib turish haqidagi Vazirlar Mahkamasi qarorini imzoladi. Bu haqda Energetika vazirligi xabar qildi.
Qayd etilishicha, bu aholi, iqtisodiyot tarmoqlar va tadbirkorlik subyektlarini yoqilg‘i-energetika resurslari bilan ishonchli tarzda ta’minlash hamda narx shakllanishini bosqichma-bosqich bozor tamoyillariga o‘tkazish ishlarini puxta tahlil qilish maqsadida amalga oshirilgan.
Mazkur qarorning bajarilishini nazorat qilish bosh vazir o‘rinbosari — iqtisodiy taraqqiyot va kambag‘allikni qisqartirish vaziri Jamshid Qo‘chqorov va energetika vazirining birinchi o‘rinbosari Azim Ahmadxo‘jayev zimmasiga yuklangan.
Eslatib o‘tamiz, bekor qilingan qaror bilan yoqilgi-energetika resurslarining 2022-yil 15-iyuldan va 2023-yil 1-apreldan kuchga kiradigan yangi narxlari tasdiqlangandi. Unga ko‘ra, ishlab chiqarish korxonalari uchun elektr energiyasi gaz narxi oshishi kerak edi.
Izoh (0)