Turkmaniston prezidenti Serdar Berdimuhammedov 14 iyul kuni davlat tashrifi bilan O‘zbekistonga keldi. Rasmiy kutib olish marosimi, tor va keng doirada o‘tkazilgan uchrashuvlardan so‘ng ikki davlat rahbarlari va hukumat vakillari o‘rtasida qator hujjatlar imzolandi. Bu haqda “Daryo” muxbiri xabar berdi.
Shavkat Mirziyoyev va Serdar Berdimuhamedov Qo‘shma bayonot imzoladi.
Davlat rahbarlari huzurida ikki mamlakat vazirlik va idoralari rahbarlari tomonidan jami 19 ta hujjatga imzo chekildi. Bular:
- “O‘zaro savdoda tovarlar olib o‘tish bo‘yicha ma’lumot almashinuvi to‘g‘risida” idoralararo bayonnoma;
- “Muzeylararo hamkorlik sohasida anglashuv memarandumi”;
- “Transport-tranzit to‘g‘risida” idoralararo bitim hamda “Temir yo‘l transporti sohasidagi hamkorlikni yanada mustahkamlash to‘g‘risida” memarandum;
- O‘zbekiston Adliya vazirligi hamda Turkmaniston Adolat vazirligi o‘rtasida 2022—2023 yillarga mo‘ljallangan idoralararo hamkorlik;
- Ilmiy-texnikaviy hamkorlik to‘g‘risida 2022—2024 yillarga mo‘ljallangan hukumatlararo dastur hamda “Qo‘shma ilmiy tadqiqot loyihalarini o‘tkazish to‘g‘risida” idoralararo bitim;
- “Markaziy Osiyo xalqaro instituti bilan Xalqaro munosabatlar instituti bilan hamkorlik to‘g‘risida” bitim hamda 2023—2024 yillarga mo‘ljallangan idoralararo hamkorlik dasturi;
- Turizm sohasida hamkorlik to‘g‘risida hukumatlararo bitim;
- Amudaryo suv resurslarini boshqarish, muhofaza qilish va ulardan oqilona foydalanish to‘g‘risida hukumatlararo bitim;
- 2022-2025 yillarga mo‘ljallangan savdo-iqtisodiy hamkorlik va sanoat kooperasiyasini rivojlantirish dasturi;
- O‘zbekiston—Turkmaniston chegaraoldi savdo zonasi – Savdo markazini tashkil etish va faoliyatini tartibga solish to‘g‘risidagi Hukumatlararo bitim qoidalarining amaliy ijrosini ta’minlash bo‘yicha chora-tadbirlar rejasi.
Foto
Izoh (0)