O‘zbekistonda 1—12-iyul kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.
Ushbu davr mobaynida bozorda bulg‘or qalampiri (qizil), mandarin va olma 2 500 so‘mga, kartoshka (yangi hosil, import) 250 so‘mga arzonlagan.
Bundan tashqari narxlar bo‘yicha:
- kivi — 8,5 ming so‘mga;
- limon — 7,5 ming so‘mga;
- baqlajon — 4,1 ming so‘mga;
- sarimsoq piyoz — 3,5 ming so‘mga;
- mosh — 3 ming so‘mga;
- turp — 2 750 so‘mga;
- loviya va guruch (alanga) — 1,5 ming so‘mga;
- guruch (lazer) — 1 000 so‘mga qimmatlagan.
Bodring va bulg‘or qalampiri narxlari (yashil) 500 so‘mga hamda lavlagi 250 so‘mga oshgan.
Iyul oyi boshida kunlari umumiy qiymati 34,5 mln dollarlik (o‘tgan yilning mos davriga nisbatan 4,6 mln dollar ko‘p) jami 53,7 ming tonna (7,6 ming tonna kam) qishloq xo‘jaligi mahsulotlari eksporti amalga oshirildi.
Bu davrda:
- 7,6 ming tonna olxo‘ri;
- 5,9 ming tonna tarvuz;
- 5,6 ming tonna piyoz;
- 2,7 ming tonna uzum;
- 2,3 ming tonna sabzi;
- 2,2 ming tonna olma;
- 1,3 ming tonna shaftoli;
- 1,1 ming tonna pomidor tashqi bozorlarga yetkazib berilgan.
Bundan tashqari 4,1 ming tonna mosh, 3,1 ming tonna qovun, 2,9 ming tonna o‘rik, 2,3 ming tonna lavlagi va 1,4 ming tonna ko‘kat eksport qilingan.
Shuningdek, iyul oyida 1,7 mln dollar (o‘tgan yilning mos davriga nisbatan 0,4 mln dollar ko‘p) qiymatidagi jami 3,3 ming tonna (35,8 tonna ko‘p) qishloq xo‘jaligi mahsulotlari, xususan, 1,2 ming tonna banan, 0,9 ming tonna kartoshka, 99,1 tonna apelsin, 141,6 tonna olma, 24,2 tonna mandarin import qilingan.
“Qo‘yliq” bozoriga 1–12-iyul kunlari hududlardan jami 11,3 ming tonna, xususan, 3,9 ming tonna kartoshka, 4,8 ming tonna piyoz, 404 tonna karam va 2,2 ming tonna sabzi keltirilgan.
Ushbu bozorga Pokistondan 55 tonna kartoshka olib kelingan.
Hududlardan “Chorsu” dehqon bozoriga 1–12-iyul kunlari jami 103,9 tonna, shu jumladan, 88,7 tonna mol go‘shti va 15,2 tonna qo‘y go‘shti keltirib sotilgan.
Izoh (0)