Benzin narxining ko‘tarilishi avtomobil qismlari va farmatsevtika mahsulotlarini ishlab chiqarishda qo‘llanadigan kimyoviy moddalar tanqisligini keltirib chiqarmoqda. Bu haqda Financial Times xabar berdi.
Tanqislik tufayli zaruriy mahsulotlarni ishlab chiqarish xarajatlari yanada ko‘paymoqda.
Kauchuk, neylon va farmatsevtika mahsulotlarini ishlab chiqarishda ishlatiladigan benzol o‘tgan oy Rotterdamda rekord darajada ko‘tarildi.
Plastik qadoqlash va to‘qimachilikda ishlatiladigan toluol va ksilen kabi boshqa kimyoviy moddalar ham so‘nggi haftalarda 1980-yillardan beri eng yuqori narxga ko‘tarildi.
Neft-kimyo bo‘yicha tahlilchilarning ta’kidlashicha, so‘nggi paytlarda neft narxi tushib ketgan bo‘lsa-da, yuqori benzin narxlari tufayli neftni qayta ishlash korxonalari juda qimmat kimyoviy xomashyolardan foydalanishga majbur bo‘lmoqda.
Bu qahvaga aralashtirish uchun sut o‘rniga qaymoq ishlatishga o‘xshaydi, — dedi ICIS’dan Zubayr Adam.
HSBC kimyo bo‘yicha global rahbari Srixarsha Pappuning ta’kidlashicha, neft-kimyo xomashyosidan foydalanadigan kimyo ishlab chiqaruvchilari odatda inflyatsiyadan foyda ko‘radi.
Yuqori narx bosimi hamma kimyoviy moddalarga ta’sir o‘tkazmaydi. Buyuk Britaniyadagi distribyutor bo‘lgan Plastribution kompaniyasining bosh direktori Mayk Bosvell “aromatik” kimyoviy moddalarning tanqisligini, ammo propilen ko‘pligini ta’kidladi.
Avvalroq “O‘zbekneftgaz” benzin narxi yana oshgani yuzasidan izoh bergan edi.
Izoh (0)