Himoyachi Dani Alves “Barselona” bilan hamkorlikni to‘xtatgani haqida gapirib o‘tdi.
Ketganimdan xafa emasman. “Barselona”ga qayta olganimdan xursandman, buni 5 yildan buyon orzu qilardim. Menga yoqmagan yagona narsa — ketishimni tashkil qilish usuli bo‘ldi.Braziliyalik himoyachi 2008-yildan 2016-yilga qadar kataloniyaliklar sharafini himoya qilgan edi. 2022-yil yanvar oyida erkin agent sifatida jamoaga kelib qo‘shilgandi. Iyun oyida esa jamoa futbolchi bilan shartnomani uzaytirmasligini e’lon qilgach, erkin agent sifatida klubni tark etdi.Shartnoma imzolayotganda men ortiq 20 yoshli yigitcha emasligimni, barchasini yashirmasdan, ochiqchasiga hal qilmoqchi ekanligimni aniq ko‘rsatdim. Lekin klub so‘nggi yillarda yaxshi ish qilmayapti. “Barselona” tarix yaratgan insonlarni qadriga yetmayapti.
Jamoa muxlisi sifatida u boshqacha yo‘l tutishini istardim. O‘zim haqimda gapirmayapman — bu boshqacha holat. Qaytish imkoniyati berilgani uchun Xavi va prezidentdan cheksiz minnatdorman.
Dani Alves, futbolchi
39 yoshli Dani 2021/22-yilgi mavsum La Ligada 14 ta o‘yinda maydonga tushib, bitta gol va 3 ta golli uzatma muallifiga aylangan.
Izoh (0)